बिहारमध्ये संयुक्त जनता दलाने नितीश कुमार यांची विधीमंडळ पक्षाचे नेते म्हणून निवड केली आहे. राष्ट्रीय लोकशाही आघाडीचे नवनिर्वाचित आमदार ही आज विधिमंडळ पक्षाच्या नेत्याची निवड करणार आहेत.
यातही नितीश कुमार यांचं नाव आघाडीवर असून ते आज सरकार स्थापनेचा दावा करतील. त्यानंतर ते आपला राजीनामा राज्यपाल आरिफ मोहम्मद खान यांना देण्यासाठी राजभवनात जातील. सध्याच्या २४३ सदस्यांच्या विधानसभेचा कार्यकाळही आज संपणार आहे.
दरम्यान, पाटण्याच्या ऐतिहासिक गांधी मैदानावर मुख्यमंत्र्यांच्या शपथविधी सोहळ्याची तयारी सुरू आहे. या सोहळ्याला प्रधानमंत्री नरेंद्र मोदी, रालोआशासित राज्यांचे मुख्यमंत्री तसंच इतर मान्यवर उपस्थित राहणार आहेत.
