अयोध्येत राम जन्मभूमी मंदिर परिसरात महाराष्ट्र भक्त सदन इमारत बांधणीचं भूमिपूजन राज्याचे सार्वजनिक बांधकाम मंत्री रविंद्र चव्हाण व उत्तर प्रदेशचे उपमुख्यमंत्री केशव प्रसाद मौर्य यांच्या प्रमुख उपस्थितीत झालं. महाराष्ट्रातील जनतेसाठी हा आनंदाचा क्षण असल्याचं रविंद्र चव्हाण यावेळी म्हणाले.
ही इमारत पर्यावरण पूरक असून साडे ९ हजार चौरस मीटर क्षेत्रफळावर बांधण्यात येणार असून त्याला १२ मजले असतील. यात ४ व्हीआयपी कक्ष, ९६ खोल्या आणि ४० डॉर्मिटरींचा समावेश आहे.