BCCI, अर्थात भारतीय क्रिकेट नियामक मंडळानं आगामी चॅम्पियन्स करंडक २०२५ साठी भारतीय पुरुष संघाच्या जर्सीचं अनावरण केलं आहे. BCCI नं समाज माध्यमांवरील एका पोस्टमध्ये भारतीय खेळाडूंची जर्सी प्रदर्शित करतानाची छायाचित्रं सामायिक केली आहेत. रोहित शर्माच्या नेतृत्वाखालील संघ दोन्ही खांद्यावर तिरंगा आणि उजव्या बाजूला चॅम्पियन्स ट्रॉफीचा लोगो असलेल्या निळ्या जर्सीमध्ये दिसेल. भारतीय क्रिकेट संघ परवा दुबई आंतरराष्ट्रीय क्रिकेट स्टेडियमवर बांगलादेशविरुद्ध पहिला सामना खेळेल.