16 वर्ष खालील मुलांना समाजमाध्यमांच्या वापरावर ऑस्ट्रेलिया सरकारने बंदी लागू केली असून अशी बंदी घालणारा ऑस्ट्रेलिया जगातला पहिला देश ठरला आहे. आधुनिक काळात माहितीजाल आणि समाजमध्यमांचा अतिरेकी वापर रोखून त्यातून निर्माण होणाऱ्या एकटेपणासहित अनेक समस्यांपासून लहान मुले मुली आणि नवीन पिढीच रक्षण व्हाव या उद्देशाने ही बंदी घालण्यात आली आहे.
ऑस्ट्रेलियाचे पंतप्रधान अॅंथनी अल्बानीज़ यांनी याबाबत कायदा करण्याची सप्टेंबरमध्ये घोषणा केली होती. त्यानुसार आता ऑस्ट्रेलियामध्ये 16 वर्षाखालील सर्व मुलामुलींना इंस्टाग्राम, फेसबुक, यूट्यूब, थ्रेड्स, एक्स, स्नैपचैट, किक, ट्विच, टिकटॉक, रेडिट ही समाजमाध्यमे वापरता येणार नाहीत. या कायद्याच वैशिष्ट्य अस कि त्याच उल्लंघन करणाऱ्या आई वडील आणि मुलांवर कारवाई करण्यात येणार नाही तर ते संबंधित समाज मध्यम चालवणाऱ्या कंपनीला 3 कोटी 20 लाख डॉलर्सचा दंड करण्यात येणार आहे .
दरम्यान, ऑस्ट्रेलियातील पालकांनी सरकारच्या या निर्णयाच स्वागत केल आहे मात्र समाजमाध्यमे चालवणाऱ्या आंतरराष्ट्रीय कंपन्यांनी या निर्णयाचा निषेध केला आहे.
