भारतीय लष्कर देशभरात प्रमुख ठिकाणी अत्याधुनिक नवीन पीढीच्या संरक्षण तंत्रज्ञानाची चाचणी करत आहे. यामध्ये पोखरण फील्ड फायरिंग रेंज, बाबिना फील्ड फायरिंग रेंज आणि जोशीमठ यांचा समावेश आहे. अत्याधुनिक संरक्षण प्रणालींच्या कामगिरीचं मूल्यांकन करण्यासाठी इलेक्ट्रॉनिक युद्ध सिम्युलेशनचा वापर केला जात आहे. आग्रा आणि गोपालपूर इथं हवाई संरक्षण उपकरणांचे प्रात्यक्षिक देखील होणार आहे.  या प्रात्यक्षिकात अनेक संरक्षण उद्योग भागीदार देखील सहभागी होत आहेत.