कझाकस्तान इथं सुरू असलेल्या आशियाई अजिंक्यपद स्पर्धेत भारतीय नेमबाज अनीश भनवाला याचं सुवर्णपदक अवघ्या एका गुणानं हुकलं आणि त्याला रौप्यपदकावर समाधान मानावं लागलं. चीनच्या सू लियाबोफान यानं ३६ गुणांसह सुवर्णपदक पटकावलं, तर दक्षिण कोरियाच्या स्पर्धकानं कांस्यपदक मिळवलं.
स्पर्धेच्या वरिष्ठ गटाच्या पदकतालिकेत चीन १५ सुवर्णपदकांसह २७ पदकं मिळवून पहिल्या स्थानावर आहे, तर ९ सुवर्णपदकांसह २३ पदकं मिळवून भारत दुसऱ्या क्रमांकावर आहे.
