इस्रायलमध्ये अमेरिकन लष्कर तैनात करण्यासंदर्भात अमेरिकेचे राष्ट्राध्यक्ष ज्यो बायडन यांनी काल इस्रायलचे प्रधानमंत्री बेंजामिन नेत्यन्याहू यांच्याशी दूरध्वनीवरुन चर्चा केली. इस्रायलवर हल्ले करण्याची धमकी इराणने दिली होती. या पार्श्वभूमीवर ही चर्चा झाली. इराण किंवा हमासच्या संभाव्य हल्ल्यांच्या पार्श्वभूमीवर इस्रायलला सर्वतोपरी मदत करण्यासाठी अमेरिका कटीबद्ध असल्याचं व्हाईट हाऊसनं जारी केलेल्या पत्रकात म्हटलं आहे.