अमरनाथ यात्रेसाठी आज जम्मू इथल्या शिबीरांतून साडेतीन हजार भाविकांची नवी तुकडी रवाना झाली. यात्रेसाठी येणाऱ्या भाविकांची संख्या दिवसेंदिवस वाढत असून, यात्रा सुरू झाल्यापासून गेल्या २१ दिवसांत ३ लाख ४२ हजारापेक्षा जास्त भाविकांनी अमरनाथ यात्रा पूर्ण केली असल्याची माहिती संबंधित अधिकाऱ्यांनी दिली आहे. दरम्यान सध्या दशनामी आखाड्यात वास्तव्याला असलेली छडी मुबारक ४ ऑगस्ट रोजी अमरनाथ मंदिरासाठी प्रस्थान करेल, ती ९ तारखेला मंदिरात पोहचल्यावर या यात्रेचा अधिकृत समारोप होईल असंही या अधिकाऱ्यांनी सांगितलं.