पुण्यात गेल्या दोन दिवसांपासून झिकाची लागण झालेला एकही रुग्ण आढळलेला नसून लागण झालेले सर्व रुग्ण पूर्ण बरे झाल्याची माहिती आरोग्य विभागानं दिली आहे. यात २६ गरोदर महिलांचा समावेश आहे. पुणे शहरात २० जून रोजी झिकाचा पहिला रुग्ण आढळून आला होता .  त्यामुळे महापालिकेने औषध फवारणी, नागरिकांची आरोग्य तपासणी केली आणि  संशयित रुग्णांच्या  रक्ताचे नमुने राष्ट्रीय विषाणू विज्ञान संस्थेकडे पाठवले .