संसदेच्या हिवाळी अधिवेशनाच्या पार्श्वभूमीवर केंद्रसरकारने उद्या सर्वपक्षीय बैठक बोलावली आहे. संरक्षण मंत्री राजनाथ सिंग बैठकीच्या अध्यक्षस्थानी असतील. संसदेच्या दोन्ही सभागृहांमधे कामकाज सुरळीत चालवण्यासाठी ते सर्वपक्षीय सदस्यांना सहकार्याचं आवाहन करतील. संसदेचं अधिवेशन  येत्या सोमवारी सुरु होत असून ते २० डिसेंबरपर्यंत चालेल. येत्या २६ नोव्हेंबरला संविधानदिनानिमित्त सभागृहाची बैठक होणार नाही.