उत्तर प्रदेशातील कनौज जिल्ह्यातील आग्रा-लखनौ महामार्गावर काल झालेल्या अपघातात 8 जणांचा मृत्यू झाला तर, 18 जण गंभीर जखमी झाले. जखमींना सैफी रुग्णालयात दाखल करण्यात आलं आहे. लखनौहून दिल्लीला जाणाऱ्या बसच्या चालकाचं नियंत्रण सुटून, बस रस्त्याच्या कडेला उभ्या असलेल्या ट्रॅकवर आदळल्यामुळे हा अपघात झाला. पंतप्रधान नरेंद्र मोदी यांनी या दुर्घटनेबद्दल शोक व्यक्त केला असून, पंतप्रधान राष्ट्रीय मदत निधीतून मृतांच्या कुटुंबीयांना प्रत्येकी 2 लाख रुपये तर, जखमींना प्रत्येकी 50 हजार रुपयांचं अर्थसहाय्य घोषित केलं आहे.