राज्यात काल विविध ठिकाणी झालेल्या अपघातात ४ जणांचा मृत्यू झाला. वाशिम जिल्ह्यातील, पुसद-वाशिम मार्गावरील मारवाडी फाट्याजवळ काल सकाळी प्रवासी गाडीला झालेल्या अपघातात दोन जणांचा मृत्यू झाला आणि सात जण जखमी झाले. अपघातग्रस्त गाडीतील सर्वजण माहूरगड इथल्या देवीचं दर्शन घेऊन वाशिमकडे येत होते.
दूसरा अपघात सोलापूर – सांगली महामार्गावरील, सांगोला तालुक्यातील चिंचोली बायपास इथे घडला. या अपघातात दोन जणांचा मृत्यू झाला तर तीन जण गंभीर जखमी झाले. अपघातातील मृत आणि जखमी कोल्हापूर जिल्ह्यातील आहेत. तुळजाभवानी मातेचे दर्शन घेऊन परत जाताना भाविकांच्या गाडीची, ट्रकला धडक बसून हा अपघात झाला.