जम्मू आणि काश्मीरमधल्या डोडा जिल्ह्यात आज पहाटे दहशतवाद्यांसोबत झालेल्या चकमकीत दोन जवान जखमी झाले आहेत. जद्दन बटा गावात शोध मोहिमेसाठी उभारलेल्या लष्कराच्या छावणीवर दहशतवाद्यांनी गोळीबार केल्यानंतर ही चकमक सुरू झाली. सुमारे एक तास झालेल्या या चकमकीत जवानांनी दहशतवाद्यांच्या गोळीबाराला चोख प्रत्युत्तर दिलं. दरम्यान, सोमवारी आणि मंगळवारी दहशतवादी हल्ल्यात चार लष्करी जवान शहीद झाल्यानंतर देस्सा आणि आजूबाजूच्या परिसरात व्यापक शोध मोहीम राबवण्यात येत आहे.