उत्तर प्रदेशात, हातरस जिल्ह्यात काल एक वाहन आणि राज्य परिवहनाची बस यांच्यात झालेल्या धडकेत चार मुलांसह किमान 12 जण ठार झाले. या अपघातात अन्य 16 जण जखमी झाले आहेत. आकाशवाणी न्यूजशी बोलताना हातरसच्या जिल्हा दंडाधिकाऱ्यांनी सांगितलं की, राष्ट्रीय महामार्ग-93 वर चांदपा पोलीस स्थानक हद्दीतील मीताई गावाजवळ ही दुर्घटना घडली. जखमींवर जिल्हा रुग्णालयात उपचार सुरू आहेत. राष्ट्रपती द्रौपदी मुर्मू आणि पंतप्रधान नरेंद्र मोदी यांनी हातरस रस्ता अपघातात झालेल्या जीवितहानीबद्दल शोक व्यक्त केला आहे.