गडचिरोली जिल्ह्यात छत्तीसगडच्या सीमेलगतच्या जंगलात काल पोलिसांबरोबरच्या चकमकीत दोन दलमचा बीमोड झाल्याचं पोलिस अधीक्षक नीलोत्पल यांनी आज पत्रकार परिषदेत सांगितलं. या चकमकीत १२ नक्षलवादी ठार झाले होते. त्यांच्यावर एकूण ३० लाख रुपयांचं बक्षीस होतं. या कारवाईमुळे उत्तर गडचिरोलीत सक्रिय असलेल्या ‘टिपागड एलओएस’ आणि ‘चातगाव-कसनसूर’ या नक्षल्यांच्या दोन दलमचा बीमोड झाला. या चकमकीत जखमी झालेल्या पोलिसांवर नागपूरच्या रुग्णालय़ात उपचार सुरु असून त्यांची प्रकृती स्थिर असल्याचं त्यांनी सांगितलं.