७ लाख २६ हजार रुपयांचं मेफेड्रॉन जवळ बाळगल्याप्रकरणी ठाणे जिल्ह्यात एकाला अटक केली असल्याचं पोलिसांनी आज सांगितलं. हा आरोपी इंदौरचा रहिवासी असून शुक्रवारी उल्हासनगरमधे संशयास्पद स्थितीत फिरताना पोलिसांनी त्याला पकडलं. त्याची झडती घेतली असता त्याच्याजवळ ३६ पूर्णाक ३ दशांश ग्रॅम एमडी पावडर सापडली. इंदौरमधल्या हरीश नावाच्या व्यक्तीकडून हे अंमली पदार्थ येत असल्याचं चौकशीत समजलं. त्याचा माग काढण्याचा प्रयत्न सुरु असून या संपूर्ण पुरवठा साखळीचा शोध घेत असल्याचं एका पोलीस अधिकाऱ्यानं सांगितलं.