देशाला बदलत्या तंत्रज्ञानानुसार आत्मनिर्भर होण्यासाठी सैन्य दलात दाखल होणाऱ्या छात्रांनी सक्षम असणे आवश्यक असल्याचं प्रतिपादन केंद्रीय लोकसेवा आयोगाचे प्रमुख डॉ. अजय कुमार यांनी आज पुण्यात केलं. राष्ट्रीय संरक्षण प्रबोधिनीच्या १४९ व्या तुकडीच्या दीक्षांत सोहळ्यात ते बोलत होते.  यावेळी ३२९ स्नातकांना त्यांनी पदवी प्रदान केली. त्यापैकी १५ मित्र देशातले आणि १५ महिला आहेत. विज्ञान शाखेचं रौप्य पदक  कार्तिक महेश्वरी, संगणक विज्ञानातलं रौप्य पदक अनन्या बालोनी, कला शाखेतलं रौप्य पदक अनुराग गुप्ता, बी टेक रौप्य पदक पुण्याचा विश्वेष भालेराव यांना मिळालं.