७ ऑगस्ट रोजी झालेल्या बेस्ट दिनाच्या पार्श्वभूमीवर ‘बेस्ट उपक्रमाचा इतिहास आणि उपक्रमाची प्रगतीशिल कार्यप्रणाली’ याबाबतचं सखोल माहिती दर्शवणारं प्रदर्शन बेस्ट उपक्रमाने  बेस्टच्या आणिक आगारातल्या बेस्ट संग्रहालय इथं आयोजित केलं आहे. ९ ऑगस्टपर्यंत असलेल्या या प्रदर्शनाची कालमर्यादा वाढवून रविवार दिनांक ११ ऑगस्ट २०२४ रोजी संध्याकाळी ६ वाजेपर्यंत केली आहे. लोकांचा वाढता प्रतिसाद आणि मागणी लक्षात घेता प्रदर्शनाची कालमर्यादा वाढवली असून सर्व मुंबईकरांनी प्रदर्शनाला जरूर भेट द्यावी असं आवाहन बेस्ट उपक्रमानं केलं आहे.