प्रधानमंत्री नरेंद्र मोदी,उद्यापासून दोन दिवस जॉर्डनच्या दौऱ्यावर जाणार आहेत. भारत आणि जॉर्डन यांच्यातल्या राजनैतिक संबंधांचं हे ७५वं वर्ष आहे. जॉर्डनकडून मिळणाऱ्या फॉस्फेटपासून भारतातल्या कृषी क्षेत्राला मिळणारी ऊर्जा, तसंच दोन्ही देशांमधले जवळचे सांस्कृतिक धागे यांच्या आधारावर दोन्ही देशांमधले संबंध आणखी बळकट होत आहेत. प्रधानमंत्री मोदी यांचा जॉर्डन दौरा म्हणजे व्यापार, अन्नसुरक्षा आणि दोन्ही देशांच्या नागरिकांमधल्या संबंधांसाठी एक मैलाचा दगड असल्याचं जॉर्डनमधले भारताचे राजदूत मनीष चौहान यांनी म्हटलं आहे. जॉर्डनचा दौरा आटोपून प्रधानमंत्री १६ आणि १७ डिसेंबर रोजी इथियोपियाला भेट देतील, त्यानंतर १७ आणि १८ तारखेला ते ओमानला जाणार आहेत.