छत्तीसगडच्या सुकमा जिल्ह्यात किस्ताराम इथं नक्षलवादी आणि सुरक्षा दलात काल संध्याकाळी चकमक झाली. या चकमकीत एक नक्षलवादी मारला गेला. या भागात नक्षलवादी लपल्याची माहिती मिळाल्यानंतर जिल्हा राखीव दल, विशेष कार्यदल आणि केंद्रीय राखील पोलिसांची कोब्रा बटालियन यांना पाठवलं होतं. सुरक्षा दलाच्या जवान आणि नक्षलवाद्यांमध्ये चकमक झाली. ज्या ठिकाणी चकमक झाली तिथं आणि आजूबाजूच्या परिसरात इतर नक्षलवाद्यांचा शोध घेतला जात आहे.