एअर बस कंपनीच्या ३३८ विमानांपैकी ३२३ विमानांच्या सॉफ्टवेअरचं अद्ययावतीकरण पूर्ण झालं असल्याची  माहिती नागरी हवाई वाहतूक महासंचालनालयानं दिली आहे. अद्ययावतीकरण झालेली विमानं इंडिगो, एअर इंडिया आणि एअर इंडिया एक्सप्रेस या विमान कंपन्यांची असल्याचं त्यांनी कळवलं आहे. एअरबस थ्री ट्वेंटी प्रकारातल्या विमानांच्या नियंत्रक सॉफ्टवेअर मधे बिघाड झाल्याचं समजल्यावर त्या  सर्व विमानांचं उड्डाण तात्काळ थांबवण्याचे आदेश महासंचालनालयानं काल दिले होते, तसंच सर्व विमानांमध्ये अनिवार्य सुरक्षाविषयक सुधारणा करण्याचे निर्देश जारी केले होते. त्यानंतर ही दुरुस्ती करण्यात आली. 

इंडिगोनं आपल्या २०० विमानांचं सॉफ्टवेअर अद्ययावतीकरण पूर्ण केलं आहे, तर एअर इंडिया नं ११३ पैकी १०० आणि तसंच, एअर इंडिया

एक्सप्रेसनं २५ पैकी २३ विमानांमध्ये सॉफ्टवेअरचं अद्ययावतीकरण पूर्ण केले आहे.