December 12, 2025 2:49 PM
14
سینئر کانگریس لیڈر اور سابق مرکزی وزیر داخلہ شیوراج پاٹل کا لاتور میں انتقال ہوگیا۔ صدر جمہوریہ دروپدی مرمو، وزیر اعظم نریندر مودی اور مختلف لیڈروں نے اُن کے انتقال پر اظہار تعزیت کیا ہے۔
کانگریس کے سینئر رہنماء اور سابق مرکزی وزیر داخلہ شیوراج پاٹل کا آج مہاراشٹر کے لاتور میں انتقال ہو گیا۔ وہ 91 برس کے تھے۔ انہوں نے لاتور میں اپنی رہائش گاہ پر صبح تقریباً ساڑھے 6 بجے آخری سانس لی۔ اپنے طویل سیاسی کریئر کے دوران شیوراج پاٹل مختلف اہم عہدوں پر فائز رہے، جن میں لوک سبھا کے اسپیکر اور مرکزی کابینہ کے اہم قلمدان شامل ہیں۔ جناب پاٹل نے 7 مرتبہ لاتور لوک سبھا سیٹ سے چناؤ جیتا تھا۔×
