January 19, 2026 9:19 AM
10
وزیراعظم نریندر مودی نے مغربی بنگال میں 830 کروڑ روپے سے زیادہ کی لاگت والے ترقیاتی پروجیکٹوں کا آغاز کیا اور 3 امرت بھارت ایکسپریس ریل گاڑیوں کو جھنڈی دکھاکر روانہ کیا۔
وزیراعظم نریندر مودی نے کَل شام مغربی بنگال کے ہُگلی ضلعے میں سِنگور کے مقام پر 830 کروڑ روپے سے زیادہ کی لاگت والے کئی پروجیکٹوں کا آغاز کیا۔ انھوں نے ایک عوامی جلسے خطاب کرتے ہوئے کہا کہ مشرقی بھارت کی ترقی، ایک ترقی یافتہ بھارت کے تصور کا مرکز ہے۔ انھوں نے زور دے کر کہا کہ مرکزی حکومت، اس مقصد کی جانب کاربند ہے۔ مالدہ اور ہُگلی کے اپنے دورے کا ذکر کرتے ہوئے انھوں نے کہا کہ مغربی بنگال میں سینکڑوں کروڑ روپے کے پروجیکٹوں پر عمل درآمد جاری ہے تاکہ بنیادی ڈھانچے اور کنکٹوٹی کو مستحکم کیا جا سکے۔ ...
