بھارت نے تھائی لینڈ اور کمبوڈیا کے درمیان سرحد پر جھڑپوں کے دوران ہندو دیوی دیوتاؤں کے مجسمے کو منہدم کیے جانے کی مذمت کی ہے اور کہا ہے کہ بے حرمتی کی اِس طرح کی حرکت سے دنیا بھر میں پیروکاروں کے جذبات کو ٹھیس پہنچتی ہے۔

وزارتِ خارجہ نے زور دے کر کہا ہے کہ دیوی دیوتاؤں کے مجسموں کو منہدم کرنے جیسی بے حرمتی کی حرکت سے دنیا بھر میں ان کے پیروکاروں کے جذبات کو ٹھیس پہنچتی ہے اور ایسا نہیں ہونا چاہیے۔ تھائی لینڈ-کمبوڈیا سرحدی تنازعے سے متاثرہ علاقے میں ہندو دیوتاؤں کے مجسمے کو منہدم کیے جانے کے معاملے پر میڈیا کے سوالوں کا جواب دیتے ہوئے وزارت خارجہ کے ترجمان رندھیر جیسوال نے کہا کہ ہندو اور بودھ دیوتاؤں کا بہت احترام کیا جاتا ہے اور مشترکہ تہذیبی وراثت کے حصے کے طور پر خطے کے لوگ اُن کی پوجا ارچنا کرتے ہیں۔        ...