સૌરાષ્ટ્ર ક્રિકેટ એસોસિએશન દ્વારા આયોજીત ટી-20 લીગની ફાઈનલમાં જે.એમ.ડી. કચ્છ રાઈડરે અનમોલ કિંગ્સ હાલારને 6 વિકેટે હરાવી જીત મેળવી છે. અનમોલ કિંગ્સ હાલારે પ્રથમ બેટિંગ કરતા 19.4 ઓવરમાં 10 વિકેટે 142 રન બનાવ્યા હતા. જેમાં રાણાએ 33 અને પી.રાણાએ 38 રન કર્યા હતા. ડી.કરમતાએ 14 રનમાં 5 વિકેટ લીધી હતી. તો આમનો સામનો કરતા જે.એમ.ડી. કચ્છ રાઈડર્સની ટીમે 4 વિકેટે 143 રન કરી 17.3 ઓવરમાં જીત મેળવી હતી. વી.જાડેજાએ 46 બોલમાં 64 રન અને પી.પરમારે 29 બોલમાં 48 રન કર્યા હતા.