દિવાળીના તહેવારોને જોતા રાજ્યભરમાં ટ્રાફિક અંગે જાગૃતિ લાવવા ટ્રાફિક પોલીસે નવતર અભિગમ અપનાવ્યો છે. તારીખ 30 ઑક્ટોબરથી 6 નવેમ્બર દરમિયાન ટ્રાફિકના નિમયોનો ભંગ કરનારાઓને ટ્રાફિક પોલીસ જવાનો ફૂલ અને ટ્રાફિક અવેરનેસ પેમ્ફલેટ દ્વારા સમજ આપી રહ્યા છે. આ દિવસો દરમિયાન ટ્રાફિક પોલીસ હેલ્મેટ, સીટ બેલ્ટ, ઓવર સ્પીડ, રોંગ સાઇડ ડ્રાઇવિંગ, તેમજ લેન ભંગ સહિતના નિયમોનું ઉલ્લંઘન કરવા બદલ દંડ ફટકારવાને બદલે નિયમોનું ચુસ્તપણે પાલન કરવા માટે નાગરિકોને સમજાવશે.