ગીર સોમનાથ જિલ્લાના કોડિનાર ખાતે સાંસદ રાજેશ ચૂડાસમાનાં હસ્તે ૧૬ કરોડ ૭૩ લાખનાં કુલ ૩૨ કામોનું લોકાર્પણ થયું. આ પ્રસંગે સાંસદ રાજેશ ચુડાસમાએ જણાવ્યું હતું કે, જિલ્લાની ૪૫૨ શાળાઓમાં ૧૦ કરોડ ૬૩ લાખ ૮૧ હજારના ખર્ચે સુવિધાઓ અપાઇ છે. તેમજ ૩૨૨ આંગણવાડી કેન્દ્રો માટે ૩ કરોડ ૮૯ લાખ ૮૫ હજારનો ખર્ચ કરાયો છે. આ
ઉપરાંત, જિલ્લાના ૫ પ્રાથમિક આરોગ્ય કેન્દ્રો તથા સામૂહિક આરોગ્ય કેન્દ્રોમાં ૧ કરોડ ૯ લાખ ૫૩ હજારના ખર્ચે વિવિધ સુવિધાઓ અપાઈ છે .ઉપરાંત જિલ્લાના અલગ – અલગ ગામોમાં,
નવીન ગ્રામ પંચાયત બાંધકામ અને આંગણવાડી કેન્દ્ર બાંધકામ વગેરેના કુલ ૧ કરોડ ૯ લાખ ૩૯ હજારના ખર્ચે ૧૬ કામોનો સમાવેશ થાય છે.