ખેલ મહાકુંભના ત્રીજા તબક્કા અંતર્ગત રાજ્ય કક્ષાની તિરંદાજી સ્પર્ધામાં ડાંગ જિલ્લાના ખેલાડીઓએ સૌથી વધુ ચંદ્રક મેળવતા ડાંગ જિલ્લો પ્રથમ ક્રમાંકે આવ્યો છે. સાપુતારા સ્પોર્ટ્સ કોમ્પલેક્ષ ખાતે યોજાયેલી આ સ્પર્ધામાં ડાંગના અંડર-14 વયજૂથમાં 4 ચંદ્રક, 17 વર્ષથી નીચેના વયજૂથમાં 10 ચંદ્રક અને ઓપન વયજૂથમાં 2 ચંદ્રક સાથે ડાંગ જિલ્લાના ખેલાડીઓએ કુલ 16 ચંદ્રક મેળવ્યાં હતાં. જેમાં 4 સુવર્ણ, 7 રજત અને 5 કાંસ્ય ચંદ્રકનો સમાવેશ થાય છે.