આજે બનાસકાંઠા, અમદાવાદ, જામનગર, ડાંગ અને ગાંધીનગર સહિતના જિલ્લામાં “ઓપરેશન શિલ્ડ” અંતર્ગત મોકડ્રીલ યોજાશે.બનાસકાંઠા જિલ્લાના વાવ-સુઈગામ વિસ્તારના તમામ ગામડાઓમાં રાત્રે 7.45 થી 8.15 સુધી બ્લેક આઉટ કરાશે. જ્યારે જામનગર જિલ્લામાં રાત્રે 8 થી 8.30 કલાક દરમિયાન બ્લેક આઉટ રહેશે. અમદાવાદ શહેરમાં શાહીબાગ કેન્ટોનમેન્ટ ખાતે, જ્યારે વીરમગામમાં પોલીસ લાઇન ખાતે મોકડ્રીલ યોજાશે. આ બંને સ્થળે આજે સાંજે પાંચ વાગ્યાથી જુદી જુદી છ પ્રકારની પ્રવૃતિનો અભ્યાસ કરાશે. આ બંને સ્થળે રાત્રે 7.45 વાગ્યાથી બ્લેકઆઉટ રહેશે.ડાંગ જિલ્લાના આહવામાં રાત્રે 8 થી 8.30 કલાક દરમિયાન બ્લેક આઉટ રહેશે. ગાંધીનગર તાલુકાના લેકાવાડા ખાતે પણ રાત્રે 8 થી 8.30 કલાક સુધી બ્લેકઆઉટ માટે સ્વેચ્છાએ સંપૂર્ણ વીજળી બંધ કરવા તંત્રએ અપીલ કરી છે.