દીવમાં આયોજિત ખેલો ઇન્ડિયા બીચ ગૅમ્સમાં કર્ણાટક અને મહારાષ્ટ્રના ખેલાડીએ સ્વિમિંગમાં સુવર્ણ ચંદ્રક જીત્યો

કેન્દ્રશાસિત પ્રદેશ દીવમાં આયોજિત ખેલો ઇન્ડિયા બીચ ગૅમ્સમાં કર્ણાટક અને મહારાષ્ટ્રના ખેલાડીએ 10 કિલોમીટર ઑપન સ્વિમિંગમાં સુવર્ણ ચંદ્રક જીત્યો છે. કર્ણાટકના રેણુકાચાર્ય હોદમાની અને મહારાષ્ટ્રનાં દીક્ષા યાદવે આજે અરબ સાગરમાં યોજાયેલી સ્પર્ધામાં ક્રમશઃ પુરુષ અને મહિલા વર્ગમાં સુવર્ણ ચંદ્રક મેળવ્યો. સુવર્ણ ચંદ્રક વિજેતા 17 વર્ષના રેણુકાચાર્યએ દીવમાં બે કલાક નવ મિનિટ અને 40 સેકેન્ડના સમયમાં અને 19 વર્ષનાં દીક્ષાએ બે કલાક 18 મિનિટ અને નવ સેકેન્ડનો સમય લઈ આ સિદ્ધિ મેળવી.