નેશનલ એસેસમેન્ટ એન્ડ એક્રેડિટેશન કાઉન્સિલ (NAAC) એ આજે ફરીદાબાદ સ્થિત અલ-ફલાહ યુનિવર્સિટીને તેની વેબસાઇટ પર ખોટી માન્યતા માહિતી અપલોડ કરવા બદલ કારણદર્શક નોટિસ જારી કરી છે. તેમાં જણાવાયું છે કે યુનિવર્સિટી ન તો માન્યતા પ્રાપ્ત છે અને ન તો સ્વેચ્છાએ મૂલ્યાંકન અને માન્યતાના ચક્ર ૧ માં ભાગ લીધો છે. નોટિસમાં જણાવાયું છે કે યુનિવર્સિટીએ તેની વેબસાઇટ પર જાહેરમાં દર્શાવ્યું છે કે તે અલ-ફલાહ ચેરિટેબલ ટ્રસ્ટની પહેલ છે, જે કેમ્પસમાં ત્રણ કોલેજો ચલાવે છે.
કાઉન્સિલે જણાવ્યું હતું કે આ માહિતી સંપૂર્ણપણે ખોટી અને વાલીઓ, વિદ્યાર્થીઓ અને હિસ્સેદારો માટે ગેરમાર્ગે દોરનારી છે. NAAC એ સ્પષ્ટતા માંગી છે અને યુનિવર્સિટીને તેની વેબસાઇટ અને અન્ય કોઈપણ જાહેરમાં ઉપલબ્ધ દસ્તાવેજોમાંથી NAAC માન્યતા માહિતી દૂર કરવાનો નિર્દેશ આપ્યો છે. કાઉન્સિલે યુનિવર્સિટીને નોટિસ મળ્યાના સાત દિવસની અંદર જવાબ આપવા જણાવ્યું છે.