ભારતીય અવકાશ સંશોધન સંગઠન ISRO આજે સાંજે 5 વાગીને 26 મિનિટે દેશના સૌથી ભારે સંચાર ઉપગ્રહ CMS-03 લોન્ચ કરશે. આ પ્રક્ષેપણ આંધ્રપ્રદેશના શ્રી હરિકોટાના સતીશ ધવન સ્પેસ સેન્ટરથી કરાશે.CMS-03 એક મલ્ટી-બેન્ડ લશ્કરી સંચાર ઉપગ્રહ છે, જેને GSAT-7R તરીકે પણ ઓળખવામાં આવે છે. આ ઉપગ્રહને દેશના સૌથી શક્તિશાળી રોકેટ લોન્ચ વ્હીકલ માર્ક-LVM3 પરથી લોન્ચ કરાશે. ISRO એ જણાવ્યું કે CMS-03 એક મલ્ટી-બેન્ડ સંચાર ઉપગ્રહ છે જે જમીન સહિત વિશાળ સમુદ્રી ક્ષેત્રમાં સેવાઓ પૂરી પાડશે. આ ઉપગ્રહ નૌકાદળ માટે કનેક્ટિવિટીમાં નોંધપાત્ર વધારો કરશે.