ભારતીય હવામાન વિભાગે આજે ઉત્તરાખંડ, પંજાબ, હરિયાણા, ચંદીગઢ, ઉપ હિમાલય પશ્ચિમ બંગાળ અને સિક્કિમમાં ગાઢ ધુમ્મસની આગાહી કરી છે. આગામી બેથી ત્રણ દિવસ સુધી ઉત્તર પ્રદેશ, ગંગા પશ્ચિમ બંગાળ, દરિયાકાંઠાના ઓડિશા અને બિહારના અલગ-અલગ વિસ્તારોમાં પણ આવી જ સ્થિતિ રહેવાની આગાહી છે.
હવામાન વિભાગ અનુસાર, આગામી બે દિવસ સુધી અરુણાચલ પ્રદેશ, આસામ અને મેઘાલયમાં વાવાઝોડા સાથે હળવાથી મધ્યમ વરસાદની સંભાવના છે. IMD એ આગામી ચાર દિવસ દરમિયાન ઉત્તરપશ્ચિમ, મધ્ય અને પૂર્વ ભારતમાં તાપમાનમાં 2-4 ડિગ્રી સેલ્સિયસનો વધારો થવાની આગાહી પણ કરી છે.