દેશની વિવિધ આઈઆઈએમમાં પ્રવેશ માટે આજે ગુજરાતમાંથી અંદાજે 13 હજાર વિદ્યાર્થીઓ સહિત દેશના 2 લાખ 95 હજાર વિદ્યાર્થીઓ કોમન એડમિશન ટેસ્ટ આપશે. આ વર્ષે 10થી 12 ટકા વિદ્યાર્થીઓ ઓછા નોંધાયા છે.આ વર્ષે કેટ પરીક્ષા દેશના 170 શહેરોના 375 કેન્દ્રો પરથી કમ્પ્યુટર આધારિત સિસ્ટમથી લેવામાં આવશે. કુલ ત્રણ સ્લોટમાં આ પરીક્ષા લેવામાં આવશે. કેટ પરિક્ષાના પેપરમાં કુલ 68 પ્રશ્નો રહેશે અને 204 ગુણની આ પરીક્ષા ચાર સેક્શનમાં લેવાશે.ગુજરાતમાં અમદાવાદ, વડોદરા, સુરત, રાજકોટ અને વલસાડ સહિતના શહેરોમાં લેવાનારી પરીક્ષામાં આ વર્ષે ગુજરાતમાંથી અંદાજે 13 હજાર વિદ્યાર્થીઓ પરીક્ષા આપશે.