ICC મહિલા એક દિવસીય ક્રિકેટ વિશ્વ કપમાં, ભારતનો ઈંગ્લેન્ડ સામે ચાર રનથી પરાજય થયો છે. ગઈકાલે ઈન્દોરમાં રમાયેલી આ મેચમાં ઈંગ્લેન્ડના 289 રનના લક્ષ્યાંકના જવાબમાં, ભારતીય ટીમ 50 ઓવરમાં છ વિકેટે 284 રન જ બનાવી શકી હતી. સ્મૃતિ મંધાનાએ 88, હરમનપ્રીત કૌરે 70 અને દીપ્તિ શર્માએ 50 રન બનાવ્યા હતા.ઈંગ્લેન્ડની હીથર નાઈટને 109 રનની ઇનિંગ બદલ પ્લેયર ઓફ ધ મેચ જાહેર કરવામાં આવી હતી. ભારત તરફથી દીપ્તિ શર્માએ ચાર અને શ્રી ચરણીએ બે વિકેટ લીધી હતી.આ જીત સાથે, ઈંગ્લેન્ડનું સેમિફાઇનલમાં સ્થાન નિશ્ચિત થઈ ગયું છે. સેમિફાઇનલમાં સ્થાન મેળવવા માટે ભારતને હવે ન્યૂઝીલેન્ડ અને બાંગ્લાદેશ સામેની બાકીની બંને મેચ જીતવી પડશે.