ડિરેક્ટોરેટ જનરલ ઓફ સિવિલ એવિએશન -DGCA એ જરૂરી સલામતી ફેરફારો પૂર્ણ ન કરાય ત્યાં સુધી A-320 વિમાનની તમામ ઉડાનો સ્થગિત કરવાનો આદેશ આપ્યો છે.
સુનિશ્ચિત નિરીક્ષણ અને સમારકામ પ્રક્રિયા પૂર્ણ ન થાય ત્યાં સુધી એરલાઇન્સ એરબસ A318, A319, A320 અને A321 વિમાનોનું સંચાલન કરી શકશે નહીં.એરબસે વિશ્વભરમાં તેની હજારો A320 ફલાઇટમાં તાત્કાલિક સમારકામનો આદેશ આપ્યો છે. આનાથી વિશ્વભરમાં આશરે 6,000 વિમાનોને અસર થશે.
ભારતીય એરલાઇન ઓપરેટરો ઇન્ડિગો અને એર ઇન્ડિયા સાથે મળીને આ શ્રેણીમાં 350 થી વધુ વિમાનોનું સંચાલન કરે છે. એર ઇન્ડિયાએ એક નિવેદનમાં જણાવ્યું છે કે તેના એન્જિનિયરો વિશ્વભરમાં A320 ફેમિલી એરક્રાફ્ટ પર સોફ્ટવેર અને હાર્ડવેર રિએલાઇનમેન્ટ પૂર્ણ કરવા માટે ચોવીસ કલાક કામ કરી રહ્યા છે.
જે દરમિયાન કેટલીક ફ્લાઇટ્સ થોડી મોડી પડી શકે છે અથવા ફરીથી શેડ્યૂલ થઈ શકે છે. કંપનીએ મુસાફરોને એરપોર્ટ પર જતા પહેલા તેની વેબસાઇટ પર નવીનતમ ફ્લાઇટ સ્થિતિ તપાસવા વિનંતી કરી છે.
દરમિયાન વિમાન ઉત્પાદક કંપની એરબસે આજે તાત્કાલિક સોફ્ટવેર અપડેટ જારી કર્યા પછી, ઓસ્ટ્રેલિયામાં વિવિધ એરપોર્ટ પર મુસાફરો ગભરાટમાં મુકાયા હતા. ઓસ્ટ્રેલિયાની જેટસ્ટાર એરવેઝે લગભગ 90 ફ્લાઇટ્સ રદ અથવા વિલંબિત કરી છે.