56મો આંતરરાષ્ટ્રીય ફિલ્મ મહોત્સવ IFFI ગઈકાલે ગોવાના શ્યામા પ્રસાદ મુખર્જી સ્ટેડિયમ ખાતે પુરસ્કાર વિતરણ સાથે સમાપ્ત થયો. અભિનેતા રજનીકાંતને છેલ્લા 50 વર્ષમાં ભારતીય સિનેમામાં અમૂલ્ય યોગદાન બદલ સન્માનિત કરવામાં આવ્યા હતા. વિયેતનામની એશલે મેફેર દ્વારા દિગ્દર્શિત ફિલ્મ સ્કિન ઓફ યુથને ધ ગોલ્ડન પીકોક એવોર્ડ એનાયત થયો છે.સમારોહમાં સંબોધન કરતાં કેન્દ્રીય માહિતી અને પ્રસારણ રાજ્યમંત્રી ડૉ. એલ. મુરુગને જણાવ્યું કે, IFFI મહિલાઓ અને યુવા સર્જકોને સશક્ત બનાવવામાં સફળ રહ્યો છે. તેમણે કહ્યું, સશક્તિકરણ અને સમાવેશીતા તરફના એક મજબૂત પગલામાં મહિલા દિગ્દર્શકો દ્વારા બનાવેલી 50 ફિલ્મો ફિલ્મ મહોત્સવમાં પ્રદર્શિત કરવામાં આવી.મંત્રાલયના સચિવ સંજય જાજુએ આ વર્ષે વેવ્ઝ ફિલ્મ ક્ષેત્રમાં કૃત્રિમ બુદ્ધિમત્તા AI અને સર્જનાત્મક ઉદ્યોગોમાં વિક્રમજનક રોકાણો પર ચર્ચા કરી, અને આ વર્ષના IFFI ને સર્જકો માટે તકો પૂરી પાડવા અને વૈશ્વિક પ્રેક્ષકોને યોજનાઓ પ્રદર્શિત કરવા તરફના એક પગલા તરીકે ભાર મૂક્યો.