હોમગાર્ડ્સ અને નાગરિક સંરક્ષણ દળના જવાનો માટેનો રાજ્યકક્ષાનો રમતોત્સવ આજે ગાંધીનગરના સાંઇ સ્પોર્ટસ ઓથોરિટી ગ્રાઉન્ડ ખાતે શરૂ થયો છે. રમતગમત મંત્રી હર્ષ સંઘવીએ રમતોત્સવનો શુભારંભ કરાવ્યો હતો.
આ રમતોત્સવમાં પુરુષ તથા મહિલા શ્રેણીમાં 100, 200, 400 મીટર દોડ, લાંબી કૂદ, ગોળા ફેંક અને રસ્સા ખેંચ જેવી રમતોનો સમાવેશ કરવામાં આવ્યો છે. આ ઉપરાંત પુરુષોની શ્રેણીમાં કબડ્ડી, વોલીબોલ અને મહિલા શ્રેણીમાં ખો- ખો જેવી રમતોનો સમાવેશ કરવામાં આવ્યો છે.