હેમચંદ્રાચાર્ય ઉત્તર ગુજરાત યુનિવર્સિટી પાટણ ખાતે સાત દિવસીય રાષ્ટ્રીય એકતા શિબિરનો પ્રારંભ થયો છે. મહેસાણાના સાંસદ હરિભાઈ પટેલે દીપ પ્રાગટ્ય કરી આ રાષ્ટ્રીય શિબિરને ખુલ્લી મૂકી હતી.
આ પ્રસંગે યુનિવર્સિટી કેમ્પસમાં એનએસએસ રેલી પણ યોજાઇ હતી. આ એકતા શિબિરમાં સમગ્ર દેશમાંથી ૧૧ રાજ્યો અને ૧ કેન્દ્રશાસિત પ્રદેશના મળી કુલ ૨૧૦ એન.એસ.એસ. સ્વયં સેવકો ભાગ લઇ રહ્યા છે. આ શિબિર દરમિયાન “માય ભારત પોર્ટલ” વિષય પર વ્યાખ્યાન, “વિકસિત ભારત” વિષય પર મોનો એક્ટિંગ અને પોસ્ટર મેકિંગ સ્પર્ધા, વેશભૂષા સ્પર્ધા સહિતના સાંસ્કૃતિક કાર્યક્રમોની પ્રસ્તુતિ રજુ કરવામાં આવશે.