ભારતીય હવામાન વિભાગે આજે ગુજરાતના વિવિધ સ્થળ પર ભારે વરસાદની આગાહી વ્યક્ત કરી છે. હવામાન વિભાગે કહ્યું કે, મધ્યપ્રદેશ, વિદર્ભ અને છત્તીસગઢ, કેરળ, માહે અને કર્ણાટકના કાંઠામાં અનેક સ્થળ પર આજે ભારે વરસાદની સંભાવના છે.
હવામાન વિભાગે હિમાચલપ્રદેશ, ઉત્તરાખંડ અને પૂર્વ રાજસ્થાનમાં આગામી પાંચ દિવસ ગાજવીજ અને વીજળીના ચમકારા સાથે સામાન્યથી મધ્યમ વરસાદની આગાહી વ્યક્ત કરી છે. જ્યારે જમ્મુ-કાશ્મીર, લદ્દાખ, ગિલગીટ-બાલ્ટિસ્તાન, મુઝફ્ફરાબાદ, પંજાબ, હરિયાણા, ચંદીગઢ, દિલ્હી, ઉત્તરપ્રદેશ અને પશ્ચિમ રાજસ્થાનમાં પણ આગામી પાંચ દિવસ વરસાદની શક્યતા છે. જ્યારે પૂર્વ અને ઉત્તર-પૂર્વ ભારતમાં આગામી ચાર દિવસ વિજળીના ચમકારા સાથે સામાન્યથી મધ્યમ વરસાદની સંભાવના દર્શાવી છે.
