હિંમતનગરને ખેડબ્રહ્મા સાથે જોડતો ઐતિહાસિક મીટર ગેજ ટ્રેક હવે આધુનિક બ્રોડ ગેજ સ્વરૂપે ફરી શરૂ થશે. સતાવાર યાદીમાં જણાવ્યા અનુસાર હિંમતનગર-ખેડબ્રહ્મા ગેજ કન્વર્ઝન પ્રોજેક્ટ પૂર્ણતાના આરે છે.
તેનું કમિશનર ઑફ રેલવે સેફ્ટી-CRS દ્વારા નિરીક્ષણ શરૂ કરાયું છે. જેમાં હિંમતનગરથી જાદર સુધીના 20 કિલોમીટર વિસ્તારને આવરી લેવાયો. ટીમે સ્ટેશન સુવિધાઓ, ટ્રેક જ્યોમેટ્રી, વળાંકો, પુલો અને રોડ અંડર બ્રિજની વિગતવાર તપાસ કરી.