હવામાન વિભાગે આજે સૌરાષ્ટ્ર અને કચ્છ, કોંકણ, ગોવા અને મધ્ય મહારાષ્ટ્રમાં ભારેથી અતિ ભારે વરસાદની શક્યતા વ્યક્ત કરી છે. પશ્ચિમ બંગાળ, સિક્કિમ, અરુણાચલ પ્રદેશ, આસામ, મેઘાલય, ઝારખંડ અને બિહાર, ઉત્તરાખંડ, પૂર્વ ઉત્તર પ્રદેશ અને હિમાચલ પ્રદેશમાં પણ ભારેથી અતિ ભારે વરસાદ થવાની સંભાવના છે.
દરમિયાન બિહારમાં દક્ષિણ પશ્ચિમ ચોમાસું ફરી સક્રિય થતાં રાજ્યના અનેક ભાગોમાં ભારે વરસાદ થઈ રહ્યો છે. હવામાન વિભાગે આગામી 24 કલાકમાં ભારે વરસાદ માટેનું યલો એલર્ટ આપ્યું છે. કટિહાર, અરરિયા, મધેપુરા, શિયોહર અને અન્ય જિલ્લાઓમાં છેલ્લા બે દિવસથી અવિરત વરસાદ થઈ રહ્યો છે. જો કે ગંગા અને તેની સહાયકનદીઓના જળ સ્તરમાં ઘટાડો જોવા મળ્યો છે.