હવામાન વિભાગે  આજે તામિલનાડુમાં વાવાઝોડા સાથેભારે વરસાદની આગાહી કરી છે. કેરળ, માહે, પુડુચેરી અને કરાઈકલમાં પણ આજે  હળવાથી મધ્યમ વરસાદની શક્યતા  છે.

હવામાન વિભાગની યાદી અનુસાર આ વિસ્તારોમાં વાવાઝોડા સાથે હળવોથી મધ્યમ વરસાદ આ મહિનાની  15મી તારીખ સુધી ચાલુ રહેશે. બીજી તરફ હિમાચલ પ્રદેશ અને ઉત્તર પશ્ચિમ પંજાબમાં આગામી 2 દિવસ સુધી ગાઢ ધુમ્મસ છવાયેલું રહેવાની શક્યતા છે . તો દિલ્હીમાં આગામી 2-3 દિવસ સુધી રાત્રિ અને સવારના કલાકો દરમિયાન આ પ્રકારનું વાતાવરણ રહેવાની સંભાવના છે.