પ્રધાનમંત્રી નરેન્દ્ર મોદીએ આજે મધ્યપ્રદેશના ધાર જિલ્લામાંથી રાષ્ટ્રવ્યાપી સ્વસ્થ નારી, સશક્ત પરિવાર અભિયાન અને 8મા રાષ્ટ્રીય પોષણ મહા અભિયાનનો આરંભ કરાવ્યો. આ પ્રસંગે શ્રી મોદીએ કહ્યું આ નવું ભારત કોઇની પરમાણુ ધમકીથી ડરશે નહીં.
તેમણે ‘આદી સેવા પર્વ’નું ઉદ્ઘાટન કર્યું. પ્રધાનમંત્રી ધાર જિલ્લાના ભૈન્સોલા ગામમાં ભારતના પ્રથમ ‘પીએમ મિત્ર પાર્ક’નું પણ ખાતમુહૂર્ત કર્યું. આ પાર્ક મધ્યપ્રદેશના કાપડ ઉદ્યોગને નવો વેગ આપશે અને યુવાનો માટે અંદાજે ત્રણ લાખ નવી રોજગારીની તક ઉભી કરશે.