સોમનાથ કાર્તિકી પૂર્ણિમા મેળામાં ગઇકાલે સોમનાથ ઉત્સવનો પ્રારંભ થયો છે.સોમનાથ ટ્રસ્ટના ટ્રસ્ટી અને પૂર્વ સચિવ પી.કે.લહેરીએ ગઇકાલે મોડી સાંજે આ ઉત્સવનો પ્રારંભ કરાવ્યો હતો.કલા અને સંસ્કૃતિના આ અલૌકિક ઉત્સવમાં ગણેશ વંદના, શિવસ્તોત્રમ્, મેર રાસ સહિતની અદભૂત પ્રસ્તુતિઓ રજૂ કરવામાં આવી હતી.આ ઉપરાંત સાંસ્કૃતિક કાર્યક્રમો તથા વિવિધ રાસ ગરબા જેવા કે ટિપ્પણી, ડાંગી નૃત્ય, મણિયારો રાસ સહિતના લોક નૃત્યોની પ્રસ્તુતિઓ રજૂ કરવામાં આવી હતી.
દરમિયાન સોમનાથ કાર્તિકી પૂર્ણિમા મેળો બીજા દિવસે ભક્તોથી છલકાયો હતો.મેળાના ગઇકાલે બીજા દિવસે 2 લાખ થી વધુ સેહલાણીઓ ઉમટ્યા હતા. લોકોએ હસ્તકલા, રાચરચીલું, ફૂડ માર્કેટ, જેલના ભજીયા, કલા સાધના સાથે મેળાના પરંપરાગત અને આધુનિક બંને પ્રકારના મનોરંજન મેળવ્યા હતા.વિવિધ રાઇડ્સ,પંચદેવ મંદિર, કલ્પ વૃક્ષ, વેણી, તુલસી સહિતના સેલ્ફી પોઇન્ટ, જેવા પ્રદર્શનોએ લોકોમાં વિશેષ આકર્ષણ જગાડ્યું હતું.