બેડમિન્ટનમાં સૈયદ મોદી ઇન્ટરનેશનલ સુપર 300 ટુર્નામેન્ટની ફાઇનલ મેચ આજે બપોરે લખનૌમાં રમાશે. ભારતીય ખેલાડી કિદામ્બી શ્રીકાંત, મહિલા ડબલ્સની ટોચની ક્રમાંકિત ગાયત્રી ગોપીચંદ અને ટ્રીસા જોલી આજે ઘરઆંગણાની મેચમાં રમશે.
શ્રીકાંત પોતાના જ દેશના મિથુન મંજુનાથને પરાજય આપીને પુરુષ સિંગલ્સની ફાઇનલમાં પહોંચ્યા છે. આજે તે હોંગકોંગના ખેલાડી સામે રમશે. મહિલા ડબલ્સમાં, ગાયત્રી ગોપીચંદ અને ટ્રીસા જોલીની જોડી જાપાનની કાહો ઓસાવા અને માઈ તાનાબે સામે રમશે.