સુરતના ન્યૂ કતારગામ વિસ્તારમાં ગઇકાલે બે વર્ષનું બાળક 3 ફૂટની ખુલ્લી ગટરમાં પડી ગયું હતું. ઘટનાને પગલે પરિવારજનો અને સ્થાનિકો દ્વારા બાળકની શોધખોળ હાથ ધરવામાં આવી હતી, પરંતુ બાળક ના મળતાં NDRFની ટીમ અને ફાયર વિભાગની ટીમને જાણ કરતાં તેમની ટીમ દ્વારા 24 કલાક સુધી ભારે શોધખોળ કરાઇ હતી. કેમેરાની મદદથી ડ્રેનેજ લઈનમાં શોધખોળ શરૂ કરાઈ હતી ત્યારે આજે વરીયાવ પંપિંગ સ્ટેશનમાંથી મૃત હાલતમાં બાળકને બહાર કાઢવામાં આવ્યું છે.