રાજ્ય સરકારે બહુવિધ/આંતરશાખાકીય/સંશોધન વિશ્વવિદ્યાલયો માટે સાત યુનિવર્સિટીને “સેન્ટર ઓફ એક્સેલન્સ” તરીકે જાહેર કરી છે. વિધાનસભામાં ઉચ્ચ અને ટેક્નિકલ શિક્ષણ રાજ્ય મંત્રી પ્રફુલ પાનસેરિયાએ જણાવ્યું કે, તમામ વિશ્વવિદ્યાલયોમાં રિસર્ચ સેન્ટર બોર્ડની સ્થાપના માટેની પ્રક્રિયા હાલ ચાલી રહી છે.
તેમણે જણાવ્યું કે, રાજ્ય સરકાર દ્વારા વર્ષ 2023માં ‘ધી ગુજરાત પબ્લિક યુનિવર્સિટીઝ એક્ટ, 2023’ જાહેર કરાયો છે. વિદ્યાર્થીઓને અંગ્રેજી સંવાદ કૌશલ્ય, જીવન કૌશલ્ય અને અન્ય વ્યાવસાયિક કૌશલ્ય અંગે તાલીમ આપીને તેમની રોજગાર ક્ષમતા અને ઉદ્યોગની તૈયારીને વધારવા માટે વિવિધ પ્રકલ્પો શરુ કરાયા છે. રાષ્ટ્રીય શિક્ષણ નીતિ NEP-2020ની સરળ અને અસરકારક અમલવારી માટે સ્ટાન્ડર્ડ ઓપરેટિંગ પ્રોસિજર (SOP) જાહેર કરાઇ છે.