સરકાર આજે નવી દિલ્હીમાં આદર્શ યુવા ગ્રામ સભા – MYGS પહેલનો શુભારંભ કરશે. આ કાર્યક્રમ દરમિયાન MYGS પર એક તાલીમ માળખા અને MYGS પૉર્ટલનું પણ અનાવરણ કરાશે. પંચાયતીરાજ મંત્રાલયે એક નિવેદનમાં જણાવ્યું, આ પહેલનો ઉદ્દેશ લોકભાગીદારીને મજબૂત કરવી અને વિદ્યાર્થીઓને ગ્રામસભા સત્રોમાં સામેલ કરીને સહભાગી વહીવટી તંત્રને પ્રોત્સાહન આપવાનો છે. મંત્રાલયે વધુમાં જણાવ્યું, દેશભરની એક હજારથી વધુ શાળામાં આ પહેલની શરૂઆત કરાશે.
કેન્દ્રીય પંચાયતીરાજ રાજ્યમંત્રી પ્રૉફેસર સત્યપાલ-સિંહ બઘેલ અને આદિવાસી બાબતોના રાજ્યમંત્રી દુર્ગાદાસ ઉઈકે આ કાર્યક્રમમાં ઉપસ્થિત રહેશે. આ પહેલ પંચાયતીરાજ મંત્રાલય, શિક્ષણ મંત્રાલય અને આદિવાસી બાબતોના મંત્રાલયનો એક સંયુક્ત પ્રયાસ છે.