સરકારે T-90 ટેન્ક, વરુણાસ્ત્ર ટોર્પિડો અને એરબોર્ન અર્લી વોર્નિંગ અને કંટ્રોલ એરક્રાફ્ટ સિસ્ટમ માટે 1 હજાર 350 હોર્સપાવર એન્જિન ખરીદવાની મંજૂરી આપી છે. સંરક્ષણ મંત્રી રાજનાથ સિંહની અધ્યક્ષતામાં આજે મળેલી સંરક્ષણ સંપાદન પરિષદની બેઠકમાં આ મંજૂરી આપવામાં આવી હતી. આ ખરીદી પર ૫૪ હજાર કરોડ રૂપિયાથી વધુ ખર્ચ થશે.
સંરક્ષણ મંત્રાલયના જણાવ્યા અનુસાર, ભારતીય સેના માટે T-90 ટેન્ક માટે વર્તમાન 1000 હોર્સપાવર એન્જિનને અપગ્રેડ કરવા માટે 1 હજાર 350 હોર્સપાવર એન્જિન ખરીદવામાં આવશે. આનાથી યુદ્ધના મેદાનમાં, ખાસ કરીને ઊંચાઈવાળા વિસ્તારોમાં, આ ટેન્કોની ગતિશીલતા વધશે. ભારતીય નૌકાદળ માટે, લડાયક વરુણાસ્ત્ર ટોર્પિડોની ખરીદીને મંજૂરી આપવામાં આવી હતી. વરુણાસ્ત્ર ટોર્પિડો એ સ્વદેશી રીતે રચાયેલ જહાજ-લોન્ચ કરાયેલ એન્ટિ-સબમરીન ટોર્પિડો છે જે નેવલ સાયન્સ એન્ડ ટેકનોલોજીકલ લેબોરેટરી દ્વારા વિકસાવવામાં આવ્યો છે. આ ટોર્પિડોના સમાવેશથી દુશ્મન સબમરીનના ખતરા સામે નૌકાદળની ક્ષમતામાં વધારો થશે.
ભારતીય વાયુસેના માટે, એરબોર્ન અર્લી વોર્નિંગ અને કંટ્રોલ એરક્રાફ્ટ સિસ્ટમની ખરીદીને પણ મંજૂરી આપવામાં આવી છે.